Nisɔndiya ni siran sɛnɛkɛlaw fɛ u ka duguw la


Kaba foro Bamussobugu la

Mali ye sɛnɛ ni mɔni jamanaba ye. Sɛnɛkɛlaw ni jamanadenw bɛɛ jigi ye sɔmiɲɛ sanji nako ɲuman ye walasa ka dunkafa sabati.

San damadɔ tɛmɛnenw na, sanjiko gɛlɛya kɛra sababu ye kasɛnɛkɛlaw jigi fiɲɛya. O la, dugu kamalenninw ye tungalataa sira ta. Baganw tun tɛ dumuni sɔrɔ tugunni, nɔnɔko gɛlɛya nana togodaw la. O la, kɔngɔ fɛ duguw kɔnɔ,  dubaw tun binna ka fara.

Ɲinan, sɛnɛkɛlaw ɲagarilen bɛ, wa u jigi bɛ sɔmiɲɛ labanko ɲuman kan k’a sababu kɛ sanji nako ɲuman ye. Sɛnɛkɛlaw fɛ, forow yeko ka ɲi kosɛbɛ. Dugukolo sɔnna dannifɛnw na, wa, sumaw bɛ ka wili u wili cogo la. O na kɛ sababu ye ka kɔngɔko ban an ka jamana kɔnɔ.

Kaba foro 

Nka, foro dɔw bɛ ye, olu bɛ ka bɔ u tigiw jigi kɔrɔ k’a sababu kɛ banaw ye. Sɛnɛkɛlaw yɛrɛ ma foyi faamuya o bana ninnu na fɔlɔ. Foro dɔw kɔnɔ, sumaw ma janya, wa u bɛɛ bilennen don. Sɛnɛkɛla dɔw fɛ, o bana in ye san nako jugu nɔ ye bawo sumaw ka kan ka funteni hakɛ min sɔrɔ walasa ka wili ka ɲɛ, u m’o sɔrɔ. O de ka ca cɛncɛnna forow la kosɛbɛ. Foro minnu bɛ o cogo la, olu tigiw jabɔlen bɛ kosɛbɛ, bawo yɔrɔ caman bɛ ten u ka forow kɔnɔ.

Sanji bɛ kungo kɔnɔ fan bɛɛ Mali la.

Sɛnɛkɛlaw sirannen bɛ ji ka tiɲɛni ɲɛ bawo ji ye tiɲɛni kɛ yɔrɔ caman na ka ban an ka duguw ni togodaw la. Ji ye forow fa, ja sirabaw tigɛ, o de fana kɛra sababu ye ka cikɛla caman bali sisan k’u ka foro matarafa ka ɲɛ. Sow ka don o don benni, o fana ca wɛrɛ dilen ye sɛnɛkɛlaw ma ni sɔmiɲɛ banna.

Nka, o bɛɛ kɔ fɛ, i n’a fɔ a bɛ fɔ bamanankan na cogo min na, «jala jeninen ka fisa kulusi bɛɛ jeninen ye »

An ka dugaw kɛ Ala ka sɔmiɲɛ tɛmɛ hɛɛrɛ la, ka dunkafa sabati.

 

 

 

About these ads

One Comment to “Nisɔndiya ni siran sɛnɛkɛlaw fɛ u ka duguw la”

  1. I ni baara, n terikɛ. Diɲɛ yɛlɛmayɛlɛma ka gɛlɛn dɛ. Ala k’anw dɛmɛn.

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

Suivre

Recevez les nouvelles publications par mail.

Rejoignez 1 372 autres abonnés

%d blogueurs aiment cette page :