Sɛnɛ Segu : forow bɛ ka layidu dafa


Nin ye saɲɔforo dɔ ye Bamusobugu

Nin saɲɔforo in Bamusobugu la, Zezana-Gara komini kɔnɔ Segu mara la, o yeli bɛ mɔgɔ hakili sigi, k’i jigi fa dunkafa sabatiliko la ɲinan Mali kɔnɔ. Ɲɔtigɛ ma se fɔlɔ, nka, forow yecogo bɛ mɔgɔ nisɔndiya. A bɛ san caman bɔ sisan, ɲɔw tun tɛ ɲɛ ka nin bɔ. Ɲɔkalaw tun tɛ bonya tan, wa u furaw tun tɛ kɛ binkɛnɛ ye ka dibi ɲɔgɔn kan tan k’a sababu kɛ sanji nabaliya ye o min bɛ na ni ja ye. Ka bɔ Bamakɔ fɔ Segu, forow yeli bɛ mɔgɔ jigi fa bawo san bɛ na kosɛbɛ. An ka Ala deli ye a ka taa ɲɛ fɔ ka sɔmiɲɛ laban ma.

Saɲɔ tinsan.

Nin ɲɔ tinsan ye nisɔndiya ni hɛrɛ tamasiyɛn ye sɛnɛkɛla bolo. Dabaw biliala, nka o t’a to sɛnɛkɛla ka sigi so. Tuma ni tuma, a bɛ taa bɔ a ka foro la walasa k’a dɔn a ka sɔmiɲɛ sɛgɛn bɛna falen mun na ɲɔtigɛ waati. O sara in hakɛ, ɲɔ tinsan b’o jira kabini ɲŋtigɛ ma se fɔlɔ. Ɲinan, ni sanji nana ni cogo in na a nacogo la, an bɛ se k’a fɔ k’o bɛ kɛ sababu ye ka kɔngɔ gɛn dɔnnin dɔnnin ka bɔ an ka jamana kɔn. An b’o kuma in de mɛn fan bɛɛ la bi an ka duguw kɔnɔ.

Keninke foro Bamusobugu la

N hakili b’a la alisa, waati min na san tun bɛ na kosɛbɛ Mali la, demisɛnnin tun tɛ se ka keninkekala kari ka da nɔgɔya la ɲɔtigɛ waati. O tun banna a bɛ san caman bɔ sisan bawo ɲɔkalaw tun la misɛn k’a sababu kɛ sanji nabaliya ye. Ɲinan, an bɛ waati min na i ko sisan, san nana ka ɲɛ. O bɛ mɔgɔ jigi sigi kosɛbɛ. O de kama an bɛ waati min na sisan, tile kɔnɔ, dutigi bɛɛ bɛ senɲɛ kelen walima fila kɛ u ka foro kɔnɔ bawo, u kɛ o kɛ k’u ka foro ɲɔkala ɲumanw n’u fura nugulenw yaaratɔ ye fiɲɛ fɛ, u bɛ sewa.

Keninke foro

Keninke bɛ weele an ka jamana yɔrɔ dɔw la ko kunsuli bawo  ni keninke ɲɛna, n’ai tinsan ye kisɛ caman kɛ, kisɛ ninnu fanga de b’a kɛ tinsan jun bɛ suuli. Ɲinanta b’o cogo la keninke foro la. O de kama, ali ni n tɛ sɛnɛkɛlakɔliden ye, n y’a faamu k’a fɔ ko ɲɔkala kunbayali n’a misɛnyali bɛ sɔrɔ a kisɛ hakɛ fɛ tinsan na. Wa, sɔnni, ɲɔ ninnu tinsanw bɛna u kun suuli. Wa, ɲinan, a bɛ i ko saɲɔ nin keninke bɛ k’a ɲini ka ɲɔgɔn dan walasa u kelen kelenna bɛɛ ka jigiɲɛ fa. Wa o de ye sɛnɛkɛla ka hɛrɛ ye. O keleya in ɲɔw suguyaw ni ɲɔgɔn cɛ, o bɛ kɛ sababu ye cikɛla bolo a k’a ka jigiɲɛw fa, ka dunkafa sabai a ka du kɔnɔ. An an, sɛnɛkɛla dama tɛ, dugubakɔnɔ mɔgɔw minnu tɛ cɛncɛn kasilen dɔn, olu bɛɛ ka nisɔndiya ye nin ko in ye. Heyiii, bɛɛ ka daamu ni nisɔndiyako do.

Gan foro Bamusobugu la

Gan min bɛ kɛ na ye, o fana sen bɛ ɲɔgɔndan in na bawo, ale tɛ fɛ a ka fɔ ko suma sɔrɔ la, ko kɔngɔ bɛ baramaw la k’a sababu kɛ nako ye. O fana bɛ k’a se bɛɛ kɛ walasa a da kana to ale la. Gan yɛrɛ tɛmɛna tɔw la bawo, ale kɛnɛ dunni daminɛna an ka duguw la ka ban.

Sɔ ma layidu dafa Kulubalilakaw, Turelakaw, Samakelakaw, Soogobalakaw ani filaw bolo. Sɔ fana bɛ se joona kosɛbɛ walasa ka kɔngɔ kunbɛn sɛnɛkɛlaw fɛ. Ɲinan, a ma k’o cogo ye bawo alisa sa, sɔ ma se fɔlɔ. Sɔ dɔw ma feerer fɔlɔ kuma tɛ ka den kɛ k’a sababu kɛ sanji ye. San nana kojugu, sɔ ma tile funteni sɔrɔ walasa ka feere ka den kɛ.

An bɛ dugaw kɛ, sanji ka na a nacogo la walasa ka dunkafa sabati an jamana kɔnɔ, Farafinna kɔnɔ, diɲɛ bɛɛ kɔnɔ.

About these ads

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

Suivre

Recevez les nouvelles publications par mail.

Joignez-vous à 1  223 followers

%d bloggers like this: